黃心穎係2012年港姐亞軍，笑容甜美加上33C身材，好快就為成「巴打」們嘅女神。不過咁，女神都難逃「逢紅必反」嘅定律。有網民指黃心穎皮膚比較黑，樣貌似女傭，更稱佢為「黃賓穎」。
亦有網民指佢同草蜢嘅蔡一智撞樣，更有網民笑指佢哋係兄妹，不過二人都好大方繼續同大家開呢個玩笑，蔡一智曾喺微博上同心穎講：「阿妹你好！」
網民唔單止話黃心穎似蔡一智，仲話曾參加《全美超級模特兒新秀大賽》嘅Chris White係「黑人版黃心穎」，因為兩人同樣笑容燦爛，一笑起上嚟成個餅印咁。但心穎BB一啲都冇嬲，有時仲會開心Share素顏照俾大家欣賞。
心穎落落大方又玩得，難怪馬明BB咁欣賞佢。