36歲台灣節目主持小嫻同前球星何守正結婚4年幾，但一直都冇小朋友，前日小嫻受訪台灣《蘋果日報》訪問，首度開口講遲遲未有懷孕嘅原因：「自己17歲月經沒來，檢查發現沒子宮，被醫生宣判一輩子無法懷孕。」
小嫻17歲時去醫院做檢查，醫生發現佢冇子宮，認定終身無法懷孕，小嫻：「我記得我一直哭，超傷心的，但醫生安慰我，他鼓勵我說我沒有跟人家不一樣」，小嫻本身好鍾意小朋友，有好長一段時間否定自己，俾自己好大壓力，拍拖前都會先向男方坦白。憶起當初話俾作為家中獨子嘅男友何守正知時，小嫻表示心裡其實好害怕：「但他很鎮定，他說我對他而言很特別，他願意陪我一起努力」，婆婆亦好體諒。佢哋婚後試過用1年喺美國搵代母，可惜結果唔成功，未來仍會繼續努力。