香港樓價嚇死人，全世界都知，到挪威或芬蘭旅遊，當地人一聽到we come from Hong Kong，打完招呼，第一句劈頭就好奇：「香港樓價勁貴，香港人到底點生存？」，香港人啞忍高樓價嘅能耐，絕對係另類揚威國際。
北歐物價水平高，部份其實同香港相差無幾，出街食飯同普通超市日用品、食材價錢扣稅後基本同香港冇咩差別！
一般人感覺北歐物價超貴，其實係假象。北歐各國行福利主義，北歐人由出生至去世都由政府一手包辦。要支撐龐大嘅福利開支，各地北歐政府都要徵收超高稅率，銷售稅係其中一個例子。以挪威為例，銷售稅嚇死人，咩都要加多25%。如果你認為喺香港出街食飯，徵收「加一」服務費已經覺得貴，咁喺北歐小至購買一罐可樂，每一次消費均要「加二、加三」的情況下，你應該會覺得生不如死！
天下無免費午餐，喺福利主義盛行嘅今天，香港要複製西方福利主義國家，實行全民退休保障，大家又準備好付出相應代價未？更何況香港人一世勞力的大部份回報都貢獻畀地產商，想行福利主義都有心冇力。
Melody
http://www.facebook.com/whichroad
本欄逢周三刊出