【七警罪成】
【本報訊】「憑自我，硬漢子，夾錢打官司」。3年前七警落鑊，有網民二次創作惡搞歌揶揄，直到今天，警民關係未見改善，揶揄警隊的作品越出越多，最新貼堂作品要數「休班警對當更警系列」。在七警案有裁決之前再言警民關係，被告之一、警長白榮斌稱「以前唔係咁㗎」。另外一名主角曾健超則說越來越多警隊醜惡一面被揭發，「市民唔係儍㗎」，警民之間的信任不能靠假象，「唔係打條呔靚靚仔仔就得」。
記者：歐陽聯發 陸羽平
裁決前夕，記者上門找警長白榮斌訪問，他起初尚算友善，對記者提問表示「無可奉告」，但當得悉是《蘋果》記者，即板起臉冷言：「我對你份報紙冇乜好感。」記者追問他如何看警民關係鬧翻，白榮斌表示「以前唔係咁㗎」，跟着便拂袖而去。
社工經歷見盡警濫權
警民關係舊日勝今天？事件另一主角曾健超認為，以往警民間的信任，可能建基於虛假印象上，例如警匪片、電視劇，「睇成龍《警察故事》覺得警察好型」。但隨着七警事件、朱經緯打人和休班警系列接力上演，「連中小學生都知道醜惡一面」，信任的基礎便有所改變。警隊出盡公關伎倆挽救警民關係，但曾健超不買賬，他認為「信任唔係打條呔，擺個紙板公仔出嚟，靚靚仔仔就得」。一個好形象，實在不夠彌補10個壞印象。
「我唔憎警察，不過我見得太多唔同類嘅警察」。曾健超說的是10年外展社工的體驗，接觸不少邊青個案，亦看盡警察濫權。他憶述有一次警察帶隊入機舖查身份證，明明已經對一名少年搜了身，但仍叫他「除咗對鞋，舉高自己對鞋，好似罰企咁」，查完身份證又丟落地下，完全無必要地羞辱該青年。自從他成為暗角事件主角後，不時會遇到警察「怒睥」或指指點點挑釁，甚至有警察罵他「仆街」。種種經歷令曾健超直言「我對做呢份工（警察）嘅人冇乜期望」。
稱案件傷害社會及警隊
記者問他憎七警嗎？曾健超沉默了一會，說「唔係憎嗰啲厭惡……我係心涼，見到佢哋今時今日所有嘅嘢」。警棍在他身上造成的傷痕已癒，但曾健超覺得，七警案傷害的不止他一人，而是整個法治社會和警隊，所以若要說原諒，「佢過嚟講句sorry我都會原諒」，但更大的問題是「香港市民原唔原諒佢哋」。要講修補關係，從來不是一方說了算。
七警案無論結果如何，都足以牽動港人神經。若七警全部入罪，他會感到鬆一口氣，放下壓力和責任，讓生活重回正軌。對公民社會而言，亦是一場小勝，畢竟「我哋輸得太多次，一次又一次」，叫小鳳姐出場，可為公民社會打打氣。
但若結局往另一端走，七警只有少數被定罪，甚至全部無罪？曾健超一臉嚴肅，他指若問題不能透過律政司上訴，或者抗爭渠道解決，就要考慮人身安全，「若果黑警贏，佢哋氣燄會更加大，我可以預視到將來行街都會被欺凌……如果咁樣都走得甩，唔知香港會變成點」。
