自從做咗嶺南大學校董會主席之後，信安亞洲區主席歐陽伯權（Rex）一直俾外界標籤為「梁粉」，而不嬲一頭白髮當商標嘅Rex終於都要退休喇。
Rex 1994年已經加入信安，唔經唔覺原來已經做咗23年，宣佈今年6月將會榮休。Rex一直主管香港、印度、中國和東南亞的業務，而任內信安都有唔少動作，好似前年就以26億元收購AXA安盛香港強積金同職業退休計劃業務，令信安MPF市佔率打入5強。
除咗信安，Rex都有唔少公職，最為人熟悉當然係嶺南大學校董會主席，舊年成班嶺大學生圍堵校董會議，抗議嶺大加插多名「梁粉」做校董，搞到滿城風雨，至於Rex退休後仲會唔會保留公職就唔知啦。