香港第一位華人女騎師、41歲的江碧蕙去年中離婚，跟前夫育有兩子的她火速跟42歲混血網球教練男友Jerome Lacorte相戀，拍拖不足一年，下月閃婚。明天是兩人相識的第一個、亦是婚前最後一個情人節，兩人上周在機場受訪，不時咀嘴互攬，非常sweet，江碧蕙說：「今年幾特別，2月14嗰日，我兩個仔都會喺巴黎返到香港，跟進我哋四個人會一齊過呢個情人節。」
女人鍾意人錫
江碧蕙和未婚夫在活動相識，火速投入熱戀，她說「所有嘢都係講感覺，佢做所有事都好浪漫，就算佢講嘢嘅方式，都好浪漫，女人始終鍾意人錫，佢真係可以每日都同我講：I love you！」前夫和未婚夫都是外國人，外國人特別浪漫？江碧蕙說：「我冇同中國人拍過拖，唔知呢。」她坦言和未婚夫之間，開心與否凡事分享：「佢令我第一次覺得感動，係有次我同媽咪一齊，當時有一條長樓梯要上落，因為媽咪膝頭唔好，佢就主動幫佢拎手袋，扶住佢落樓梯，雖然佢哋溝通唔到，但行動上，佢表現到對我屋企人的關心！」
兩人訂於下月結婚，會低調宴請至親，再到峇里度蜜月，享受二人世界。
採訪：顏英儀、林妙萍
