Moto Z系列手機可以加上Moto Mod模組確實幾有創意，又可加上特製模組變喇叭，甚至乎可加上哈蘇鏡頭。但還有甚麼新玩法？Lenovo／Motoroloa今次唔再自己出手，而是透過眾籌網站Indiegogo牽頭舉辦「Transform the Smartphone Challenge」活動，吸引其他小型開發商推出Moto Mod模組，官方將會在3月初截數揀選最多10組優勝者，只要優勝者能夠當面說服到Motorola開發小組，Lenovo就會額外注資多100萬美元搞開發，睇清楚係100萬美元！
官方剛揀出最後12強，但計劃創意同眾籌吸金能力都幾參差。目前最受歡迎是一款名為Edge的模組，既是外置電池又可做到無線充電功能外，亦可靠模組旁邊的LED燈以不同顏色及圖案去顯示各種訊息通知，現已籌得14,258美元，已達目標的95%，亦好有機會拎埋官方的100萬美元注資。至於表現最差是將耳機內置在模組內的EarMods，目前成績是10美元，雖然Moto Z系列抽走3.5mm耳機插口，但拎住這款耳機模組，絕對唔會比用Type-C轉3.5mm轉接線或用藍芽耳機方便。
資料來源：Indiegogo
文：布偉倫
2017果籽繼續認真知味。識買惜用。行以求知。好事多為。重修舊好。
緊貼果籽報道，即like： http://fb.me/AS.AppleDaily
