周三（15日）谷草賽事用C欄，睇番最近12月14日同一移欄賽事，中內檔馬佔盡優勢，1檔馬更加半數入Q。
其中「快樂神駒」、「金飯碗」及「萬馬飛騰」都係藉1檔之利贏馬而回，就算居中後上馬如「金飯碗」、「蒜頭爺爺」及「萬馬飛騰」都係貼欄慳位後衝贏對手，走外叠好蝕底。
今戰列陣馬中，角逐第四場四班1200米的「多多勁驥」曾兩勝谷C欄，隸屬苗禮德旗下的「多多勁驥」亦係全場唯一贏過此移欄之參戰馬，快馬抽埋2檔好位，加上配埋騎師蔣嘉琦的輕磅優勢，今仗有能力放到。
另外，爭戰第七場一班1650米的「喜喜寶」，此駒四戰谷C欄非冠即亞，場地性能出色，其練者方嘉柏就算安排騎師楊明綸策騎，但抽得2檔，值得睇好。