正當好多立法會議員忙緊傾特首選舉時，公民黨立會議員譚文豪本周日都忙住同3名「貴賓」喺立法會傾吓佢今年嘅議會工作，不過呢3個貴賓身份就好特別，因為係佢太太同兩個仔女。
譚文豪係facebook貼咗仔女星期日去佢立法會辦公室相，話自己星期日都要返立會接待呢3位貴賓，又話3位貴賓打算傾吓佢今年嘅議會工作，而且仲對佢放工時間表示好不滿！不過譚文豪話佢同仔女傾傾吓，似乎對佢嘅直播道具比較有興趣，之後仲爸爸都唔理！ 而譚文豪仲加一堆hashtag，包括#第3位貴賓當然係譚太、 #會後陪同3位貴賓去歐陸嘉年華、#由未開幕講到最後一日 、#總算做到嘢、#新手龍鳳爸等等，真係忙過落區服務街坊。