港鐵縱火後同一晚發慰問的特首候選人，識入閘與唔識的，一齊關注事態。民間特首華仔卧床休養之際，也在一天後為傷者送上少痛多暖的愛心祝福。咦，躲在禮賓府那位正印呢？無影！難道時日無多的梁特已把持份者角色轉戶至西環？睇睇小明大師大剌剌喊出：點解唔可以幫蛾say yes！他媽的當大師透明嗎！好歹摸貨掃過唔少樓盤，幫庫房賺過唔少差餉印花稅！手字還超好賣，好樣的！OK，西環張小明持份「有理」，但無提及港鐵火雞，禮賓府那位唔聲唔聲，丁酉年一到，直情好似拜神唔見了那隻雞，低調成咁，一反機不可失的常態，內情肯定複雜。該不會……是肖建華失蹤事件的「四季餘音」？
六星級酒店租N間房成隊足球員的保鑣跟身隨時玩轉倉，自製銅牆鐵壁，仍走不出阿爺五指山。肖建華消失了，梁特也忽然啞了，只有兩個姓張的同志反常地高姿態示勇，拍晒利益集團心口，呼籲冷靜！勿恐慌！咪踩死自己人！闊佬血管脆弱，唔怯？就假！由阿爺主導的屍殺列車靜音開動，肖建華第一個被消失，屁股着火的港商國富，習帝感召，陸續有來！