無綫劇《乘勝狙擊》結局篇前晚播出，除了床戰是賣點，賭戲仍有不少粗口出現，甚至被發現演犯人的呂珊背上的號碼布是手寫。
Marker寫囚服
繼上次《巨輪II》「鷲哥」吳岱融在戲中講「臭X」之後，《乘》劇大結局吳岱融飾演的蔣天龍殺了單立文之後，欲「殺」陳展鵬，最後被陳展鵬阿媽呂珊封了逃走的路，吳岱融發狂爆粗，「八婆」、「臭X」滿天飛。最離譜是有網民留意到殺人坐監的呂珊，在獄中穿上的囚服，背後面有一塊號碼布，上面有一個號碼，竟用marker筆去寫。
網民眼利，歐陽偉豪（Ben Sir）一樣犀利，在facebook上指出劇集錯處，他說：「頭先睇《乘勝狙擊》陳山聰右手開槍，竟然中咗自己右臂，因為嗰枝係古惑的槍，原來真係有㗎，星爺真係偉大。」
此外，江嘉敏男友曹震豪前晚在尖沙嘴舉行音樂會，對於最近升呢為女神的江嘉敏拍無綫劇《親親你好媽》，因未被無綫邀請出席宣傳活動，要自己做網上直播，一時感觸落淚。問到女友是否受委屈？震豪說：「係睇到網民支持，又戥佢唔抵，見到咁多人錫，感動喊啫！」
替嘉敏不值
曹震豪直言替女友不值，並鼓勵她說：「藝人個心需要強大啲，要有能力接受起伏同波折，今次對佢嚟講係一種壓力，學習係磨練。我都經歷過低潮，佢唔算乜，低處未算低，每次有呢啲機會，都係令自己反彈嘅好時機。」女友成為女神會否感到壓力？他笑說：「點會有壓力呀，佢最近忙咗好多，有啲安排咗兩個人一齊做嘅嘢，未必再做得到。」
採訪、攝影：卓寶花
