【人物專訪】
演藝界有奧斯卡，保險界也有百萬圓桌協會（MDRT），是高佣代理的身份象徵。年僅28歲的友邦香港分區經理容思瀚（Solomon）自少讀名校，其父為保險高層兼政協，是典型「富二代」Package。不過，他畢業後毅然放棄做大律師，轉戰保險業落手「𢱑客」，入行4年已是MDRT頂尖會員TOT（Top of the table），年賺佣金至少320萬元。
記者：陳洛嘉
保險代理入行簡單，只要中五畢業已有資格年賺過百萬，問題是哪裏有客？從英國回流的Solomon，是友邦香港區域執行總監容永祺之子，父親身兼全國政協委員，政商界廣交朋友，先天優勢自然100分。
稱「做返自己」
「話爸爸無幫我就假嘅，但問題佢唔係replace（取代）我。」Solomon手執法律系榮譽學士名銜，臉上雖仍有幾分稚氣，但言談間如律師般自信直接。他不謂言，未入行前已有心理準備：「做得好又話我靠父幹，做得差又話係邊個嗰仔。」不過，他已完全不介意別人想法，「我就係做返自己，Solomon。」
保險代理sell單經常會被拒絕，要頂着頭皮「𢱑客」。雖然有父親作為上司，但Solomon與其他同事有劃一的跑數指標，「每月至少要簽5張單」。即便有不少世叔伯，但至今已跑足50多個月，始終要靠自己的社交圈子。
「又好彩我真係幾多朋友」。Solomon畢業後於高等法院等實習，但最後選擇不做大狀，自言是因為每日對着大量文件，根本不適合本身外向、愛交朋友的性格。
不少人都有被10年沒聯絡的同學call買保險的經驗，但簽單命中率有幾高？Solomon指，如果沒有投保需要，即使最相熟的朋友都不會簽單，但他會羅列一份清單不停跟進，「等到佢第時有老婆仔女，可能就要買份人壽，要同個客一齊成長」。
鞏固朋友關係 爭取轉介
午飯時間、返教會、踢波等社交活動，於Solomon眼中既是work-life balance，亦能鞏固朋友關係，建立網絡。他至今仍然保持逢周日上午返教會、下午與舊校同學踢波聚舊，笑言「差唔多成隊波都係我 啲客。」
除了成為客人，Solomon亦招攬有意入行的朋友組成團隊。保險業是一個金字塔式的抽佣基制，業績好的代理，可以招攬下屬，從下屬的保單中再抽佣。
Solomon去年起已成立一個8人的團隊，隊友中有朋友、舊客，實行有錢齊齊搵。