【爆想爆片】熊黛林去年10月下嫁郭可盈胞弟、家族坐擁百億資產的郭可頌，更揚言雞年會努力造人。36歲的熊黛林之前家有喜事，兄嫂誕下龍鳳胎，升級為姑姐的她亦為自己生育大計作準備，近月已明顯工作減產，調理身體，日前本報讀者陳小姐透過爆相爆片，目擊夫婦二人現身上環，光顧人稱吉叔有「婦科聖手」之稱的中醫劉逢吉。相中熊黛林戴住口罩，步出店外與同行女友人傾談，郭可頌負責拎着中藥。
可頌好開心
陳小姐對本報表示，當時郭可頌小心扶實熊黛林，故懷疑她懷有身孕：「嗰日大約5點，見到佢哋行入去藥材舖睇中醫，同行仲有一個女人，見到佢老公好細心扶實佢，熊黛林又戴晒口罩，但個樣唔似病，醫師係咁同佢哋講嘢，又教佢哋煲藥，見佢老公好似好開心，唔知係咪真係有BB呢。」
之後，一行三人去了日本城買藥煲再折返取藥，又與醫師傾談了一陣，就離開上車走。陳小姐透露此中醫平時很多人排隊求診，當中不乏陀B人士，不過是首次見到熊黛林前來。
話忙趕收線
本報昨日聯絡熊黛林，記者尚未道明來意，她即急趕收線：「唔好意思，𠵱家做緊嘢，成班人等緊我，你哋搵我經理人Kim。」之後，Kim在電話回應：「好消息梗係會講，呢啲街坊報道你哋就信，梗係冇啦。」問到是否未夠三個月要保密，她繼續否認：「唔係，唔係，未有呀。」
採訪：唐如
