年輕騎師史卓豐今朝周日假期到場，只操了兩駒，均來自姚本輝馬房，分別是「旌暉」及「包裝騎士」。
「包裝騎士」將跑周三(15日)快活谷一班1650米，而「旌暉」則暫無賽程，但據知此駒將報名3月5日一班1400米港澳盃。睇番「旌暉」賽績，今季4戰3冠1亞，亞軍之役負133磅，讓9磅下才僅輸短馬頭位給「無敵飛龍」，而「無敵飛龍」再出贏一班賽賀年盃，由此可見「旌暉」之厲害，難怪史卓豐死唔放手，今朝係要到場操番課先安樂，稍後爭港澳盃，絕對是坐位望贏分子。
至於周三戰馬「包裝騎士」，至今7次角逐快活谷賽事，得4冠1亞2季100%入圍，加上日前試大閘跑第二，狀態仍保持有餘未回落，當然係史卓豐今戰頭馬希望。