坐過飛機都知，飛機餐一般味道麻麻，好彩有時有杯雪糕刺激下味蕾。講起雪糕，國泰（293）與旗下國泰港龍嘅飛機餐，一向用Häagen-Dazs雪糕做甜品，不過今年5月起，長途商務機位就會轉用瑞士雪糕品牌Mövenpick喇。唔講唔知，國泰母公司太古A（019）早幾年同Mövenpick成立合資公司，在香港與內地合作經營咖啡生意，第一間直營店舊年已經喺廣州開業。太古食品董事總經理劉永亮大讚Mövenpick嘅雪糕幼滑，入口即溶，國泰因此轉用，但暫時只供應長途商務艙，例如歐洲、澳洲航線先有。