雷神莫雷拉騎功超群係人都知，剛戰憑「華麗再現」、「笑春風」、「喜悅繽紛」及「翔惑」四喜臨門，季內已累積92場頭馬，更連勝40個賽日，再刷新自己所保持的香港騎師長勝紀錄，其實除此之外，雷神剛戰亦達到一個里程碑。
原來雷神剛戰賽前，今季座騎獎金已有99,967,628元，而經過剛戰沙田日馬他取得4冠3亞後，最新他的座騎獎金已升至$103,225,178元，突破一億元大關。
雷神在$103,225,178元之中，大概可分得約750萬，還有約47萬策騎費，今個馬季進行了一半，他的總收入「面嗰浸」已有約800萬，而且還未計他季內92場頭馬，每場勝後部份馬主相信會有打賞，可能每次少則一兩萬，亦可能贏大賽醒你三幾十萬亦說不定，這是一筆未知數。如果話雷神應該是全港收入最高的運動員，唔知有冇人反對呢？