棄用「自焚」！
自焚二字相對縱火癲人，未免太高貴，他不配！
自己發癲，連累他人；台灣遊客女講師張欣茹、女乘客林慧怡、十五歲女學生高芷楠，還有眾多不同程度受傷乘客無辜受牽連。
一人發癲何止連累全家？
連累本來與他毫無關係全車人，還有不知原因無奈等車以萬千計直接、間接乘客！
縱火行為當然發癲，單憑媒體初期報導或社交平台發放私人消息，不問原由妄下判斷，無論何時何事稍見風吹草動即放負能量的港人更癲……
以下評語有出處：
──沉淪啦！香港終於沉淪啦！（什麼叫意外？一趟精神錯亂者意識模糊搞出的意外，會讓香港沉淪？若果真的如此脆弱，抵香港沉淪！）──恐襲啦，香港終於有恐襲啦！（硝煙處處，恐襲只爭遲早，從來是個情報中心，此地間諜活動蓬勃老早舊聞，看那天動真格恐襲埋身到門前，同志們等着瞧！）
──689賣港、林鄭累港、西環毒港、中央害港，點止縱火咁簡單？唔係你估，陸續有嚟啊，細佬！（好勁呀大佬，盡知香港前途天機，我地明天你包辦啦！）
──仲使諗？梗係共產黨啲屎橋禍害香港啦！（唔因為近年入黨少俊減少而幫共產黨發聲；乜都賴晒共產黨，港人姓賴，以後打跛腳長嘆唔使做囉！有事無事擺某些人，某些組織上神壇做祭品，有幾困難？）
居住環境愈來愈似白鴿籠，百物騰貴，創業艱難，守業更困難，富者愈富貧者愈貧中產捱餐死，生存空間狹窄……數不盡的香港負面因素，教港人特別𤷪𤺧，特別容易發癲，更多人乘機詐癲，以癲之名盡情發洩，香港今天其中之一之大不幸！