【本報訊】曾進行298次實地考察、由大帽山走到大嶼山，並拍下逾萬張照片，醫管局毒理參考化驗室19名成員，用5年時間填補了毒理學資料庫中的一片空白。團隊成員均表示很有成就感，但若要再身體力行，為有毒昆蟲等其他範疇搜集第一手資料，「真係要諗過、度過」，更笑言「最好唔好啦」。
19名成員分工清晰
化驗室團隊19名成員分工清晰，顧問醫生麥永禮負責統籌，科學主任林英豪及高級醫務化驗師陳淑珊則肩負考察任務。林表示，植物生長有時，錯過了便需另覓地點，如屬罕有品種，更只能靜待數月後再拍攝，「每次都要揹住廿磅器材、幾個鏡頭，都幾辛苦」。他說，等得最久要算是斷腸草，影齊花、葉、果實三種形態，「真係用咗幾年，（書冊）出版前先影齊」。
陳淑珊表示，開始考察前對攝影一竅不通，「直頭唔知乜叫單鏡反光相機，𠵱家知道之餘，仲明白影嘢唔可以顧儀態，有時植物就係咁生喺你面前，就算個人要貼住坑渠蓋都要照影」。她稱以往公餘時間較少運動，「（考察）都算係畀咗個機會自己做運動」。
負責後勤工作，要數化驗室的副顧問醫生張耀君及程楚君，前者負責在網上「勘查」實地考察路線的方位，後者則負責搜羅及比對文獻資料。各人職務不同，但均異口同聲地說：「做完呢本書真係要唞下，以後先再諗其他工作。」
■記者于健民