中環在線:青姐話打工仔係「白供」群英 - 李華華

中環在線:
青姐話打工仔係「白供」群英 - 李華華

股評人胡孟青(青姐)講股票大家就聽得多,原來佢投資強積金都有心得。話說今年4月懶人基金將會推出,各大MPF公司頻頻搞活動介紹懶人基金係乜東東,信安噚日就請到青姐同一大班打工仔講市況。
雖然強積金係血汗錢,但冇乜人成日理,青姐都話搞到唔少打工仔成為白宮群英,仲早過侵侵入主白宮。即係乜?咪「白供」冇回報囉!
青姐教路,揀強積金基金唔同揀股票短炒,千祈唔可以淨係睇市升時隻基金彈幾多,一定要睇埋跌市時有無防守力,唔係賺埋都唔夠蝕。
雖然青姐以往MPF都有投資開債券基金,仲好長情無轉好耐,但佢都擔心今年息口向上,債市好大波動,所以都要的起心肝,揀基金轉倉。