運輸署噚日舉行農曆新年車牌拍賣會，其中一個自訂車牌、單字「V」就威威喇，皆因佢經過12次叫價、每口叫價1,000蚊，最尾成交價係1,300萬，全日第3高！呢個價錢仲係歷來第3高價嘅車牌嚟㗎！
投得車牌嘅係一位戴口罩嘅女士，不過佢唔肯接受訪問。拍賣官將底價定做5,000蚊，每口叫價1,000蚊，第一口競投價已經係200萬，在場人士即刻嘩聲四起。噚日最貴嘅車牌係「28」號，成交價係1,810萬；第2位係「18」號車牌，成交價係1,650萬。
有份參與競投嘅優質幸運車牌中心負責人顏文翰話，佢聽到有人嗌200萬，就知道呢個車牌一定係高價。
顏文翰曾經一度出價800萬，但係都係投唔到，所以佢覺得無謂嘥時間，於是轉投「81」號，最後用560萬投得有關車牌。