熊黛林(Lynn)自從嫁俾郭可盈胞弟郭可頌，講到明恨生B，不過藝人一向食無定時、工作日夜顛倒，身體捱壞，要有BB都要花啲心機先調理身體嘅，好似Lynn早前去咗上環睇「婦科聖手」。
吳忻熹 婦科聖手調理
1998年港姐季軍吳忻熹（前名吳文忻）喺2011年同老公陳劍陵結婚後，曾搵名人御用生仔聖手何永超打咗排卵針，再配合「吉叔」劉逢吉調理，2014年誕下囡囡陳芊彤，今年1月更生埋細女陳施辰。
梁詠琪 尋懷孕偏方
梁詠琪同西班牙籍老公Sergio婚後，一直恨生BB，可惜肚皮唔爭氣，據悉GiGi曾四出搜集懷孕偏方，曾搵「生子名醫」林顯增善用針灸、燒艾等治療，打通全身經脈血氣，讓女人養卵，梁詠琪幾經努力，最終於2015年生咗囡囡Sofia。
朱麗倩 追仔試針灸
劉德華同老婆朱麗倩生咗囡囡劉向蕙，近年有傳佢哋想追一個囝，湊夠個「好」字，盛傳朱麗倩去幫襯著名中醫師馬菁岐，馬醫師精通針灸同指穴。
陳慧琳 搵生仔聖手
「生仔聖手」之稱嘅本港著名生殖醫學專科醫生何永超，求診顧客包括女明星李嘉欣、陳慧琳、黎姿、吳君如等， 曾為唔少名人圓生仔夢，不少求子心切嘅城中名人慕名而至。