【本報訊】渣打香港馬拉松今年新增家庭組賽事，短跑1.8公里，其中林氏一家更是三代同堂齊齊跑，完成賽事後，85歲的張婆婆（左二）更豪言：「一啲都唔攰！」
盼跑到90歲
林氏一家四口，包括林生、林太、囡囡Michelle及林太媽媽、已85歲的張婆婆參加了第一屆家庭組賽事，林生指：「趁婆婆仲行得走得，把握機會一齊參加。」張婆婆賽後仍然精神奕奕，雖接受傳媒訪問約20分鐘，仍未見疲態，她說：「係流咗啲汗，亦冇特別氣喘。」在旁的林太指：「提媽媽要深呼吸，就唔會喘氣。」一家人盡顯溫馨。張婆婆更表示：「若我身體許可，跑到90歲都跑！」林生與林太亦指拒做「怪獸家長」：「個女喺周末冇課外活動或補習，因為係陪家人嘅時間。」
至於冠軍由陳氏一家奪得，12歲的謙仔最近加入學校越野跑代表隊。他們都認為參與這個比賽令全家更團結，一起跑的時候亦很開心，亦很滿意表現。
■記者禤家民