【本報訊】渣打馬拉松今天舉行，跑手如欲穿上大會提供的跑衣，可能要衣不稱身出賽。由於大會訂製失預算，多名跑手被強派加大一碼的跑步上衣。主辦單位其後安排跑手更換，但有跑手昨日親身到九龍公園換領又再撲空，浪費跑手時間。
今年渣馬約有7.4萬人參加，大會上周陸續向跑手派發跑衣。報名參加全馬拉松賽的朱小姐於本月7日前往維園領取選手包，她報名時填報要加細碼跑衣，惟當日只獲發細碼，「現場好多人都畀佢哋塞咗大一個碼」。上周二她致電大會熱線，職員承諾可更換，並留下姓名和聯絡方法，「我仲問係咪先到先得，佢話唔係，登記咗就有」。
「今年轉Nike有期望」
昨午她和友人再到九龍公園換領，輪候了半小時，「前面已經有人嘈緊，話又係冇XS（加細碼）」，職員未有解釋，「淨係話幫唔到你」。她批評大會的安排令人失望，「登記咗話有，特登抽時間去又話冇」。朱小姐第3年參加渣馬，她原沒打算穿着大會的跑衣，因以往都是由內地品牌特步贊助，「基本上之前係特步嘅話，大家都唔會想要嗰件衫，攞唔攞都冇所謂，但今年轉咗Nike，大家係有期望」。
主辦單位香港業餘田徑總會日前發聲明致歉，指渣馬籌委會根據以往數據來訂製今年的跑步上衣，與實際需求出現差異，以致部份跑手未能取得原先填報的尺碼，令參賽者帶來不便。
■記者王家文