膠呢個字用喺球員身上，一般都係講緊「膠龍」、「派膠」之類，plastic咁解，但車路士後衛泰利就示範畀大家睇，點樣玩膠而不失霸氣，就係用香口膠chewing gum啦！禮拜四車仔操練，泰利同大衛雷斯步出訓練場嗰陣突然吐出香口膠，然後一、二、三、四、五係咁的，就算中途「歪炮」都救得番，最後輕輕鬆鬆的番入口繼續食，認真招積！
不過，球壇其實大把「的膠」高手，邊個先係最強之人？單計次數，皮耶得四下削咗啲，少年伊巴謙莫域有七下仲勁過泰利，如果唔使一take pass，多蒙特小將柏斯歷克第一次食唔到都冇中斷動作，計埋彈面嗰次有九下之多！至於奧斯爾雖然的得三下，但最後一腳狂抽將舊膠黐實鏡頭，型格指數爆燈！