韋達與告東尼這對騎練拍檔，本季已攜手取得5場頭馬，包括新近勝出李嘉欣愛駒「駟寶」，雙方合作愉快。本周六（11日）沙田賽事，告東尼只有「一定賺」交予韋達操刀，兩人當然希望再一起殺入凱旋門。
今次「一定賺」可以話有晒搏殺手影，事關今朝告東尼在烽火台捉住韋達密斟，兩個雞啄唔斷之餘，彼此仲笑得好燦爛，似乎對「一定賺」深感樂觀，之後佢哋喺機坪附近又再傾過，可見對今戰高度重視。
「一定賺」近四仗得兩冠一亞一季佳績，包括上仗由韋達贏田草1200米，3歲馬正在不斷進步中，今次改跑1400米，表面無根據，但「一定賺」與在港三勝1600米的「超力勝」是同一個母系家族，1400米理應更佳，相信韋達、告東尼又可穩賺一場頭馬。