直接介入美國總統選舉的俄國特工又試插手法國大選，以俄國網媒發佈黑材料揭露其中一位總統候選人，疑似有斷袖婚外情。普京幾時指示俄媒，也來香港顯一下身手呢？不？噢，當然，眼下形勢，建制派已經袋妥張官密令，票歸奶媽，二撇雞的民間強勢被京官踩低，薯片碎滿地。這種情勢，忽然還要來一個長毛在閘口高喊「我不要真俊華」。這樣，連熟操TSA的小三學生都識計條選戰數。加減乘除答案都一樣。
奶媽縱使民望PK，有張官和西環張大師封印，八百票攞硬。無論鬍鬚、胡官與長毛拎盡民主300+所有票，都係輸家。梁特移魂大法成功clone出繼承人。ABC成為年度最仆街的笑話。
長毛想做梁家傑或者何俊仁2.0，但極大機會係入唔到閘的李永達2.0。冇泛民入到阿爺欽點的小圈子賭局，有分別嗎？真係見到，無！
毋須車公驗證，泛民三百票強調自由意志，內部分裂幾可斷言。可是，人無幻想不行，發夢諗吓這一鋪泛民史無前例全票倒向莊曾依然無法扭轉西環治港的悲壯畫面，會有幾成真呢？特朗普那個經典Fxxk嘴形告訴你，3月26奶媽得天下後，香港人就算谷盡F奶之力，新政府都會嫌你hea。
WTF，到時叫你廁紙代薯片，alternative food，食住先！