挾上周榜尾大戰大炒水晶宮的餘威，包尾的新特蘭（圖）在周六英超迎戰修咸頓時，有力乘勝追擊。既然修頓近季訪光明球隊表現一般但仍要讓平/半，當然博「黑貓」下盤。（球賽編號：星期六19；now625台及樂視今日11:00pm直播）
新特蘭目前雖包尾，但上場榜尾大戰以4:0炒水晶宮後，已追至與水晶宮同得19分。黑貓今迎修頓時，雖續有後衞迪積洛保積停賽，但主力如前鋒迪科爾及中場施巴斯坦拿臣等都可候命，球隊今季在主場光明球場亦時有神來之筆，如打和熱刺及利物浦等強隊，因此今役未必一定輸給修頓。畢竟，修頓近七場聯賽僅一勝六負，中場保法爾又在上場勇戰受傷，加上又續缺前鋒查理柯士甸等，要讓平/半，實有讓不起之嫌。別忘記，修頓近六次訪新特蘭只得一勝兩和三負，捧上盤隨時損手。
博米堡頂得住拖肥
同日英超，米杜士堡迎戰愛華頓（球賽編號：星期六16；now622台及樂視今日11:00pm直播），「拖肥糖」常作客走樣，「讓球」米堡受讓平/半，同樣博下盤。米堡今季回升英超，目前位列中下游，該支東北球隊首要目標當然是保住英超席位，今迎愛華頓時，料會變陣只派尼格度踢單箭頭，以加強防守，效果或許更佳。愛華頓踏入2017年於聯賽共獲四勝一和，但作客表現麻麻，近10場聯賽作客只得兩勝三和五負，就算今役或有中場伊祖沙古爾復任正選，但要讓波，亦不宜過份高估。文：吾中