周六（11日）沙田馬場舉行八草兩泥賽事，草地用最狹窄之C加3跑道作賽，睇番最近1月14日同一移欄賽事，一及二檔包辦五W，而且頭馬全部在彎位守貼欄或二叠位置競跑，其中「銀城福星」、「一定賺」及「爭分奪秒」貼欄擺前帶到，就算後上馬如「綽綽有餘」、「嬴風雲」及「恆駿寶駒」亦係彎位在內叠慳位留力，入直路才移出望空衝贏對手，走外叠轉彎嘅馬匹好蝕底。
今戰列陣馬中，尾場三班1400米的「爭分奪秒」兩次跑C加3欄全勝，反而在其他移欄未贏過，贏完後，其練者蔡約翰等番C加3欄再出可添食。
另外，角逐七場二班1600米的「怪獸家長」乃全場唯一贏過C加3欄之參戰馬，此何良麾下馬能憑較佳場地性能可秤先。
至於泥地跑道於周二（7日）進行翻土工程，預期場地狀況與剛周日賽事相同，當日兩場泥地賽頭馬「勇冠多」及「藍天堡馬」均放頭贏，所以蔡約翰安排的頭場四班1650米的「安友」及第四場三班1650米「紅運精彩」等擅跑泥地之前置馬可優先留意。