過往因為司長身份，可以喺立法會自由出入嘅「薯片叔」曾俊華，噚日同自由黨相約立法會見面時，一度未能「入閘」！
事緣薯片叔去到立會，先發覺漏低咗張身份證喺灣仔競選辦，好在薯片叔競選辦人員效率其高，快速搵人帶番張證畀薯片叔登記，結果佢只係較原來時間遲到咗3分鐘。
薯片叔被問到係咪漏低咗個證時，只係「哈哈哈」作回應，立會秘書處回應話訪客要用身份證明文件核實，薯片冇即時提供身份證明文件畀接待處，職員運用酌情權容許薯片先入大樓再補交亦合適。
另外，薯片又喺fb放閃，貼咗曾太煮嘅晚餐，包括有豬扒豆腐飯，火龍果，羅漢果及果皮水，仲話可以緩解喉乾聲沙，又話太太相隔多年再煮飯，越嚟越得心應手，之後再補多句，如果你問佢噚晚嘅豬扒豆腐飯值幾錢，「我只能答，無價」。