林夏薇昨日在中環出席活動時，透露早前到加拿大登台時特地購置廚具在情人節下廚：「我見到有個煲好靚，可以做海鮮煲，打算情人節整畀老公食。」同場的宋熙年（Sarah）婚後首個農曆新年與陳智燊回澳洲陪父母，Sarah表示父母對多了位新女婿感開心，問可有被催促造人？她說：「有呀，我祝媽咪身體健康，佢同我講話想快啲抱孫。」兩人表示新一年會努力工作，儲夠奶粉錢才考慮造人大計。
至於陳山聰稱情人節要開工：「平時係我煮畀佢（女友）食，或者到時畀機會佢煮番畀我食。」講到在劇集《乘勝狙擊》內，山聰跟莊思敏和傅嘉莉有連場肉搏，他說：「女友有睇，仲話係益咗我，問我使唔使咁肉緊。」
採訪：曹家誠
攝影：仇志德