好似「波波池」咁大嘅夾公仔機，大家玩過未？樂富廣場今日起會擺放10米x10米大嘅「emo池」巨型夾公仔機，入面有逾百個唔同表情嘅emoji公仔球，其中3款黃、紫及藍色嘅膠波分別由神奇小子曹星如、藝人李嘉欣同林嘉欣設計。只要喺90秒內夾中池中emoji公仔，就可獲emoji禮物，就算夾唔中都有安慰獎，活動係為香港導盲犬協會籌款，玩之餘又做慈善，好有意義㗎！
有興趣顯身手嘅市民，即日起只要透過「泊食易」手機程式或直接到網站 http://linkemoji.com ，創作個人emoji訊息，再分享到facebook，就可獲QR code一個，憑QR code可免費到場夾公仔一次。八方同事都試玩過，有個貼士可以些牙，池內嘅emoji毛公仔較名人設計嘅emoji膠波仲受力，較容易一次夾中幾個。