網民Jimmy Tang在「香港突發事故報料區」facebook群組上載相片，指星期三晚9時45分，有老鼠闖入東亞銀行大圍新翠邨分行游走，嚇得「女職員唔敢走」。從網民上載的相片可見，該灰黑色老鼠十分活耀，由門口流竄，到爬上天花，女職員也被嚇至「擘大口」，引起網民熱烈討論。
《蘋果》向東亞銀行查詢，對方確認此事，強調出事發時已過辦公時間，分行內並無顧客，職員當時已即時致電商場管理處，要求派人協助，管理處其後到場處理及帶走老鼠，並清潔現場及消毒。
東亞又指，昨日亦安排清潔公司到該分行檢查天花等設施，並深層清潔及消毒，確保衛生。東亞已要求商場管理處改善商場的環境及設施，以免同類事件再發生。
【網民點睇】
蘇旖旎：補捉到呢一刻真係唔惹小，好似劫案現場咁嘅感覺，不得了
Dan So：人哋打劫用槍，下次可以試吓用米奇
Sammy Man：咁細隻老鼠，唔洗咁驚掛
Wind Lau：每個人都有佢弱點嘅……我自己唔驚老鼠4腳蛇……但驚小強驚蟻