講起李澤楷（小小超），大家通常即刻諗起電盈（008），佢另一隻盈大地產（432）就好少人談論，鬼咩，盈大多年前賣晒貝沙灣之後，都冇乜大搞作，不過盈大行政總裁李智康都好忙㗎，要去海外搵項目，所以佢年薪唔低，舊年減薪6%，都有1,550萬。根據盈大最新年報，李智康舊年總年薪1,550萬，少6%，主要因為花紅大減兩成，去到450萬。咁究竟佢過千萬年薪，有乜搞作呢？翻閱年報，盈大目前主要喺印尼有幢甲級寫字樓，日本北海道亦有一個酒店同住宅項目，住宅部份預算今年首季開售。明白了，唔知小股東點諗呢？