杜汶澤寸Mark嫂：雲吞麵檔買㗎？

杜汶澤昨日在荃灣為奇妙電視主持的《杜汶澤食住上》舉行開鏡禮，對於Mark嫂教人煮意粉要過冷河去鹼水味，阿澤感到愕然說：「吓？煮意粉要過冷河？自己10幾歲開始煮飯，但我成世都未試過過冷河囉。可能每個人入貨地方都好唔同，我未試過買啲意粉有鹼水味嘅。其實烚完啲意粉夾上嚟嘅時候，係會有小小水掛身，咁樣就會容易上汁啲。不過人外有人天外有天，可能佢嘅做法都好食，但我就冇呢個機會去食，我知阿Mark老婆最出名煮燒牛肉。呀，佢嗰啲意粉係咪喺中式嘅雲吞麵檔買㗎？」

杜汶澤昨出席奇妙電視《杜汶澤食住上》開鏡禮，獲拍檔盧頌恩（左）及鄺芷凡餵古怪食物。

阿澤表示煮食其實各師各法，希望將來可以試到對方所煮美食。
採訪：皓騫、黃曉妍
攝影：陳慧安

阿澤被爆曾在家中赤祼上身煎牛排。