第八屆亞冬運今個月19至26號喺北海道札幌同帶廣市舉行，港隊噚日喺奧運大樓舉行授旗禮（圖），派出歷來最多嘅50名代表出戰三個大項，包括男、女子冰球、男、女子花樣滑冰同男子短道速滑；其中女子花滑有兩位靚女代表馬曉晴同蘇怡；噚日主持授旗禮有香港奧委會會長霍震霆、民政事務局局長劉江華同體育專員楊德強。