【本報訊】阿信屋母企CEC國際（759）1999年上市，原本從事生產電子產品的線圈零件，不過2008年金融海嘯，內地工業轉弱，公司被逼轉型。主席林偉駿於2010年踏足零售業，已屆57歲的他曾中風兩次，雖然身體漸差，但仍未有退休打算。
不少公司上市一段時間，便會交由第二代接棒，育有一子兩女的林偉駿雖曾中風兩次，但凡事仍親力親為。訪問期間，員工已多次出入問老闆何時入貨、貨量等瑣碎事。林偉駿慨嘆：「邊個會話好enjoy份工作，但正常老闆都係咁嘅，唔會有幾時放假嘅諗法，自己嘢都唔着緊，咁點做？」
已近退休年齡，但他稱未有退休打算，「吓吓話畀仔女，其他伙計唔通冇機會咩？唔得㗎嘛。」提到今次業績倒退，是否應該讓同事分擔一下工作？「唔係濫權到拖累公司，係我作為公司負責人，所以梗係我嘅錯啦……好事就出嚟威吓，唔好咪俾人質吓囉！」
公司上市10多年，林偉駿每次都親自撰寫業績報告，今次報告內提到會「死守」，是因他執筆之時、正值香港抗日戰爭75周年，有感而發：「突然間喺嗰度有啲靈感，好似一場大戰咁，我哋作為一個守業者，要守759圍城戰，要用盡方法拼一鋪。」