滙豐銀行舉行記者會，通常喺自己主場，即係中環總行搞掂，比較深閨，又慳番租場費，不過噚日中午佢哋宣佈推出P2P過錢App「PayMe」，竟然專登book咗銅鑼灣hmv kafe舉行記者會，高層與同事着晒紅色T恤、牛仔褲，成件事好Steve Jobs feel。
就番P2P呢個fintech主題，滙豐香港科技部阿頭艾俊安（Andrew）着得非常casual，零售銀行一哥欣格雷（Greg）可能有會要開，依然西裝骨骨。
華華八卦過呢度book場要幾錢，職員就話，視乎需要，平至幾千蚊，貴至幾萬蚊不等，滙豐點解揀呢度？明顯係因為同tech有關，想增加潮味，吸引年輕人望多兩眼啦。