禮拜三（8日）谷草賽事將採用B跑道，睇番最近1月11日同一欄位八場賽事，竟然有七匹頭馬守前三位入直路建功。
其中「首映」、「海翡翠」及「加州再豫」放頭帶到，另有「威先生」及「事勝意」守前領馬之後，並貼欄包廂位勝出，後追馬好難反先，具前速馬匹仍然要優先留意。
今戰列陣馬中，高伯新派出「問鼎高峰」夥拍騎師郭能出戰第四場四班1200米，上仗正是於谷B欄贏馬開齋，贏完等番同一移欄再跑，睇部署有心想添食。
另外，留意第七場三班1650米的「牛精叻仔」，這匹告東尼馬房賽駒累積六次跑谷B欄僅一次不入前四名，本身跑法均速，結合跑道基本形勢，有力與騎師蘇兆輝攜手贏馬補中。