新世界發展（017）主席鄭家純（純官）上月突傳中風入院，要留院休養。新世界開國功臣梁志堅（堅叔），雖然已經過檔會德豐（020），不過仲好關心純官。
堅叔噚日話，知道純官早排中風，不過唔係咁嚴重，係小中風，問題唔大，不過就要喺養和醫院休養。咁堅叔呢排有冇去探過純官呢？堅叔就話，純官要靜靜休養，唔想有人騷擾佢咁話。
堅叔喺新世界做足40年，幫新世界掌舵人鄭裕彤（彤叔）打江山，搞掂唔少土地問題，搵到多幅住宅靚地，建立地產王國。就算純官一度接掌新世界，堅叔地位依然穩固，一齊共事。堅叔2012年正式告別新世界，不過唔夠一個月就過檔會德豐。