台灣女星吳佩慈舊年11月入股怡益控股（1372），持股兩成，成為第二股東，有傳佢入股，係因為怡益同重慶比速汽車有合作協議，比速咁啱搵吳佩慈個friend范瑋琪（范范）做宣傳，吳佩慈順手投資。
怡益噚日宣佈，今個星期四正式改名做「比速科技」，即係借埋殼咁合作喇，睇番公司股價，原來唔聲唔聲，怡益由舊年11月5蚊水平，一路升，噚日收報8.77元，即係三個月左右累升75%，吳佩慈都算好腳頭喎，佢身家亦隨之而上升了。
比速本月初搵嚟台灣藝人范瑋琪（范范）幫手宣傳新車。大家都知道，范范同吳佩慈、小S等女星係老友記，吳佩慈因此睇好比速，於是就投資香港上市嘅怡益控股。