雖然新色好似出之不盡，貨量好似越來越多，街上又好似越來越多人著，但YEEZY BOOST 350 V2的魅力對潮人們來說依然是無可抗拒，每次有新色都是必炒佳品。而大家在農曆新年逗到唔少利是後，又有機會讓大家奉獻一下，事關YEEZY BOOST 350 V2又有新色出動，今次更是大路又易襯，兼是不少潮人的定番黑紅愛色。更特別的是今次新配色上的「SPLY-350」字樣會以倒轉展現，加上系列首見的鞋跟紅色縫線，算是有點新意。不過其實咩色咩設計都好，有YEEZY BOOST 350 V2都難免一炒，而今次adidas就將以網上抽籤形式作預購，adidas VIP 的顧客，可於 2 月 7日 00:01 至 2 月 8 日 23:59 期間發送下列資料至電郵地址 [email protected] 登記，成功預購者將於 2017 年 2 月 10 日獲電郵通知有關購買詳情。另外今次YEEZY BOOST 350 V2亦同時有成人及童裝發售，而新鞋亦將於2月11日正式開賣，抽唔中的或者可能都可以去Lane Crawford、J-01、EXI.T、Juice等碰一碰運氣。
記者：韓繼聰
