Bodibra母企芭迪貝伊（8297）臨門一腳甩轆，懷疑因為唔符合監管機構最新要求，所以要押後上市，咁咪有排先見到靚靚代言人江美儀去敲鑼囉？
不過好意思，睇真啲，江小姐早喺去年底代言人合約屆滿後，公司希望搵過另一位代言人，所以無論如何，都應該唔會見到江小姐。
Bodibra招股書披露，截至舊年3月底財政年度，營銷及推廣開支按年減少8%至380萬港元，主要因為轉咗廣告平台，呢380萬已經包括代言人服務費，江小姐早前嘅代言費幾多呢？就冇詳細講。
不過正如舊電影《絕世好Bra》話齋，唔一定只係得女人先知道好Bra係點做，例如公司主席陳麟書、行政總裁姚冠邦都係男人，喺內衣業經驗都只係得5年左右貨仔，本身做開投資控股，真正落手落腳，應該係冇入Board嘅高級管理層囉。