英國下議院嘅文化、傳媒及體育委員會嚟緊呢個星期，就英足總改革展開不信任投票嘅討論，有議員唔滿意足總制度僵化，唔能夠自行改革，要政府立法介入。不過國際足協規定唔准政府干預足總運作，如果下議院真係通過咗條例，話唔定國際足協會出手，最嚴重可以禁止英格蘭（圖）參加俄羅斯世盃。當然，家陣件事十劃先勉強得一撇啦。