【本報訊】曾經評論法官是「狗官」的愛港之聲主席高達斌回應林定國言論指，香港的基本司法制度仍完善，但一牽涉到政治立場便有例外，又稱自己在政治案件上對本港司法體系失信心。
高認為，某些法官自小接受的教育和思維訓練形成一套價值觀，「佢接受係西方嗰套價值觀，覺得一定要平等，啲人走出嚟抗議自由平等有乜問題？『你拉佢做咩？』；但調番轉，中方強調社會秩序、有尊卑之分！呢套價值觀喺香港中國人社會某啲情況根深柢固，咁你咪唔啱囉。」
「司法體系內係人治」
他又指司法體系內是人治不是法治，認為佔中三子戴耀廷等人早應該被起訴，「唔係話證唔證據，而係大家都知道佢發動（佔中）。」他又認為林定國忽略社會上有人覺得法官判案偏頗，尤其是公眾爭議事件中價值觀與「普羅大眾」不同。
被問及他曾罵法官是「狗官」，他無意收回言論，並說：「係呀！你判得唔公平囉，有啲（法官）係唔值得尊重，佢枉法，咪俾人鬧囉！」高達斌2015年接受訪問曾指，警察拘捕示威者後有人被輕判，批評法官是「狗官」，惹來法律界炮轟藐視法庭。
■記者袁楚雙