咩嘢叫做賽前有晒搏殺手影，大家睇睇今朝女馬主鄧詠琪，就係典型嘅例子。
鄧詠琪一對愛駒「魅力知友」及「魅力知寶」將由田泰安操刀角逐周日(5日)沙田賽事。Vicky鄧詠琪今朝不但到場睇呢對馬踱步，更特登搵田泰安傾一大輪，期間鄧詠琪更做晒手勢，隻手係咁打圈，似在講解想用咩戰略搏殺。其後鄧詠琪講完，即一支箭咁踩單車入倉再睇馬。而安仔就留在現場，原來等埋「魅力知友」練馬師蔡約翰出現，然後亦結伴返馬房，擺明對今戰高度重視。
「魅力知友」上仗在港初出谷草排12檔形勢欠佳也所負不遠，拼後曾由安仔試大閘力谷狀態，結果一放到底勝出，可謂勇況急升。今仗跑外地大勝之路程1800米，仲要抽5檔好位，難怪騎練及馬主今朝咁緊張啦！