今時今日，最喪爆笑的借口，叫做「睇埋政綱」。
無論借錢、拉票，都以「睇埋政綱」做餌。政綱，比車公神籤更順口溜。對建制派那些做了成世蠢蛋者，政綱，一於當做上帝感召的十誡。但十誡係乜？不禁想起某年茂利波老婆在法庭內被對家律師臨場急考，明明係虔誠教徒，竟然說，唔記得喎。「十吓十吓」！
政綱，講到天下無敵，過去二十年，邊位的政綱落實了？有！就是被習總DQ那一位！夠膽豪言「政綱基本上全部落實」，讚自己，已做好份job一百分，無留蘇州屎俾2.0。連習總都唔會咁口響！你老幾先！政綱可望而不可即，真正落手監粗嚟，就係特喪普咁樣，目標是雞毛鴨血，愈亂愈有利。香港本來肯定走特喪普路線，習帝忽然喝停，踢走A貨當奴雞前，會睇過條友份施政願景至奇！
連上帝留位都反口唔要的鄭蛾，政綱吹到幾大都可以一再反口造假。選委無謂再講睇埋政綱的混吉屁話，乾脆洗定屁股校好鬧鐘，靜候習帝指揮神雞來last call吧。政綱，比粗口更難聽。慳啲啦！