點解年初七返工，康泰人人笑到四萬咁口？皆因康泰旅行社即日起喺WeChat平台開咗個全新嘅訂閱號賬號「康泰旅行社今日推介」，特別請咗財神上嚟office，向近百個員工大派WeChat利是。
康泰高級副行政總裁劉美詩仲即場加碼，難怪個個員工都金睛火眼望實個手機mon，隨時準備撳掣發新年財。
劉美詩話，近年國內電子平台好先進，尤其WeChat係一個好好嘅平台去接觸多啲fans，特別係一啲經常往返內地嘅潛在客戶群。
有別於服務號一個星期先可以update一次，訂閱號將會每日發放最新旅遊資訊，佢希望多一個電子溝通嘅渠道接觸顧客，亦會不定時提供旅遊優惠，大家有興趣就記住密切留意有關平台同優惠嘞！