周日（5日）沙田賽事舉行八草兩泥賽事，草地則用C欄作賽，睇番最近1月8日同一移欄賽事，除了1800米長途賽由「醉必勝」後上建功外，其餘頭馬都係守前列位置入直路勝出。
其中「好愉快」及「軍勇戰略」擺前帶到，另外「有衝勁」、「龍船」則守前領馬之後貼欄包廂位賺形勢贏馬，故此中短途賽事仍須秤先具前速之馬匹。
今戰列陣馬中，四場「平天下」曾於三班贏C欄1400米，亦係全場唯一贏過此移欄之參戰馬，目前在四班跑強項值得睇好。
另外，八場「一片光明」兩戰田C欄均入Q，均速馬且戰且走，結合跑道形勢有力贏馬補中。
至於兩場泥地均跑1200米，近期此程頗利後追馬，如「一哥」及「頌友」都從中後叠衝上反先對手勝出，所以第三場「必搏」及第九場「仁愛之星」等擅跑泥地之後追馬值得優先留意。