雖然宣佈唔爭取連任嘅特首梁振英，已經係明日黃花，但佢嘅UGL收錢風波，就點都唔可以放過。
立法會內務委員會噚日就選出調查梁振英UGL事件專責委員會的11名成員。
建制陣營有7個議員獲提名，包括經民聯梁美芬、民建聯周浩鼎、新民黨容海恩、工聯會黃國健、無政黨何君堯、馬逢國同謝偉俊。
民主派就有民主黨林卓廷同尹兆堅、公民黨楊岳橋及公共專業聯盟梁繼昌。
其實呢11人名單，事先都私下協調，唔係出乎意料，但社民連梁國雄之後卻接連提名幾位建制派議員，如工聯會陸頌雄同麥美娟、鄉議局主席劉業強等，但都俾當事人反對或者無人和議。
最後呢11名獲提名嘅議員自動成為專責委員會成員，其後選出無政黨謝偉俊同民建聯周浩鼎，分別擔任委員會主席同副主席。