周三非國盃四強賽，埃及對住布基納法索。埃及由穆罕默德沙拿喺下半場21分鐘先開紀錄，但七分鐘後被扳平，直到加時都再冇波入。到互射12碼階段，就到埃及老將艾夏達利發威嘅時候。呢位44歲門將代表國家隊已經超過150次，佢喺極刑戰兩次撲救，帶領埃及贏4:3躋身決賽。大約十年前係埃及全盛期，連續喺2006至2010年三屆非國盃賽事贏到冠軍。